【爆相爆片】泰國政府旅遊局香港辦事處昨晨宣佈，香港入境旅客要在當地隔離14天，惟沒明確列出新措施具體實施時間。古天樂昨早被讀者黃先生「爆相爆片」直擊他坐商務倉飛往曼谷，幸好順利入境不用隔離。黃先生表示：「飛機差唔多關門前，空姐喺機上廣播，開咪搵古天樂，仲有兩個人名，五分鐘內見到佢哋上機。」
從相片見到，一身黑look的古仔戴着KF94口罩和護目鏡避炎，雖然只得側面和背面相，但黃先生說：「空姐開佢名，肯定係佢。佢全程戴住口罩，睇唔到佢有冇食餐，落機後行到去health control就見唔到佢。」至於過關情況是否順利？黃先生表示：「喺機上填健康申報表，落機後要量體溫記錄喺紙，到櫃枱時再量一次體溫，起碼排一個鐘，不過我哋唔需要隔離。」
《蘋果》聯絡古仔了解，但未獲回覆，據知古仔在泰國有一間特效公司，相信今次是到當地工作。另外，讀者陳小姐透過「爆相爆片」分享，陳百祥與太太黃杏秀昨日也由香港機場出發到泰國蘇梅島，兩人候機時更除掉口罩。
採訪：皓騫