為上奧運擂台,你願意放棄多少?35歲的歐盈盈1年前放棄泰拳輝煌戰績,全心全意從頭轉戰西洋拳,前日終於在奧運資格賽亮相挑戰菲律賓拳手,豈料僅戰至第二回合便遭拳證中止比賽判輸,那刻以「硬淨」聞名的她忍不住在台上潸然落淚,拳證的兩次讀秒,一年的努力彷彿化為烏有,「我十幾廿年冇喊過,我嗰吓好唔甘心。」
歐盈盈本來於香港泰拳界叱咤一時,但運動員心裏終究有一個奧運夢,去年她決意從泰拳轉練西洋拳,甚至放下健身教練的工作,全時間特訓備戰,「人一世物一世,我好想試,而且奧運係個好難得嘅機會,都係一年箒,人生流流長。」空口談夢很簡單,願意實踐已是冒險第一步,但踏出夢境後,世界往往很現實,歐盈盈去年首次北上廣州訓練,換來渾身傷痕,「我第一次係同十幾歲女仔打,一埋身第1、2拳我已中拳爆鼻,當下知道程度差好遠好遠,個心好hurt,以前未試過畀人打到咁。」昔日的尊嚴隨血汗一併落下,但既然已花上十多萬訓練,她已無退路,只好咬緊牙關繼續迎頭向上,繼續苦練。
全因星如放棄泰拳
潛心練習一年終出征約旦,雖然她早知面對菲律賓拳手晉級機會不大,她心中也盤算起碼要瀟瀟灑灑打畢三回合,但結果不盡人意,亞大區資格賽之路僅兩回合便戛然而止,「第一次數都冇事冇幹又唔係痛,但個心開始怯怯地,數埋第二次就覺得死喇,係咪會完呢,情緒就湧晒出嚟。」賽後一日她收拾心情接受訪問,不諱言曾質疑是否白白浪費時光,惟過去一年她起碼了解到世界之大,「拳擊畀我見到世界係點,唔再局限喺香港度。」
歐盈盈練西洋拳某程度上緣起曹星如的崛起,「Rex對運動好專注,香港環境好難,但既然佢可以做到,咁我都可以試吓去做呀。」曹星如「神奇小子」的出現,正正反擊香港人一貫以來對夢想的勢利否定,歐盈盈奧運首關失利,起碼她願意再接再厲,她預告五月會再到巴黎出戰世界區資格賽,再爭奧運入場券,「既然開始咗,我都會繼續努力去打。」
記者洪量丰、王子俊約旦直擊