【本報訊】連鎖健身中心Goji Studios黃埔分店健身教練，涉嫌性騷擾女學員。該女學員林小姐投訴，教練在課堂期間大講黃色笑話，又未經她同意下偷拍其腰部及下半身。事主向健身中心投訴後，店方僅稱若她感騷擾或不喜歡，可替她更換教練。Goji回覆本報查詢稱，正調查及跟進事件，若有職員違反員工守則及指引，定必嚴厲懲處。
記者：李雨夢
林小姐稱，去年10月在Goji Studios的黃埔分店參加伸展課程，方姓健身教練與另一名健身教練大談黃色笑話，「當時間房有四個人，每個教練對一個學員，當晚有兩個教練，佢哋不斷講鹹濕笑話，又講射精、白色液體呢啲，雖然唔係直接同我講，但我就變咗被迫參與」。她一度要求離場，卻被方姓教練拉回房間。
「之後佢（方姓教練）幫我用按摩槍紓緩肌肉，平時啲教練都會用，佢用按摩槍喺pat pat同埋腰度，但就喺我唔知情嘅情況下影咗我條腰同埋pat pat，然後send咗去一個training嘅WhatsApp group」。當林小姐於群組內看到相片後，當面質問該名教練，「我問佢點解要影呢兩張相，呢個唔係正常上堂會發生嘅情況，我講到明要投訴，佢就delete咗pat pat嗰張相，話只係玩吓」。
「經理叫我唔好同公司投訴」
林小姐其後向黃埔分店及Goji Studios的辦公室投訴，經理表示希望她私下處理事件，「話幫我鬧咗佢，佢只係想同我玩，叫我唔好同公司投訴，但呢個回覆我唔接受」。另一名中心經理則表示：「如果覺得有問題，可以隨時換教練」，林小姐收到回覆後感到憤怒。
事情一度膠着，涉事教練如常上班，林小姐遂於今年2月前往油麻地警署報案，但不獲受理。警方回覆本報稱，報案人表示去年10月8日在黃埔一健身中心上課程時，男職員的言語及行為使其感覺被性騷擾，由於投訴及退款不果，事主報警求助，警方調查後認為事件並不涉及刑事成份，列為糾紛，建議報案人聯絡相關機構跟進。Goji Studios回應稱，管理層已收到投訴個案，亦得悉事主已報警，若有需要會全力協助，如有職員違反員工守則及指引，公司定必嚴厲懲處。