鄧梓峰、莫家淦及劉雅麗等昨日在黃大仙為同心抗疫捐口罩活動舉行小型音樂會，劉雅麗表演網民二次創作、改編自她的經典歌《你為了愛情》的《你你你為了肺炎 今天不冷靜》。面對當今疫情社會，鄧梓峰說：「做好自己防疫，呢段期間太太好鍾意留喺屋企，睇太多資訊都有壓力，我會捉佢出去食嘢，做好自己，其他唔係自己管得掂。」
鄧梓峰與太太育有四位小朋友身在美國波士頓，他說：「都擔心，同佢哋溝通知道美國人暫時都掉以輕心，街上冇人戴口罩，我都叫佢哋買定一啲洗手液。」鄧梓峰胞弟鄧小宇日前在專欄一篇報道中講述陳曜旻（白頭陳）死訊，鄧梓峰解釋：「我本人完全唔識白頭陳，小宇都係聽朋友講寫咗呢篇文，知道細佬同佢都唔方熟。」
採訪：卓寶花
攝影：林賓尼