娛樂圈阿姐級鬥掌風厲害，姐匙就聽過有人害人終害己，篤人背脊後最終害到自己老友。話說有位中女阿姐「湖水」，喺圈中一向出名係「煩」人，不過因為久唔久拍飲食節目，都叫做入屋有啲觀眾緣。話說湖水早年去網台做節目，仲叫埋老友一齊去，點知做咗一排，已經搞出是非。
話說湖水叫老友去開咪，由於佢哋都冇做電台經驗，最多都係平時做下受訪者，所以開咪做咗一排之後，老細覺得節目又悶又唔好聽，於是就叫節目監製搵佢哋傾吓，要求諗辦法「處理」，點知湖水竟然同老細反篤背脊，話理念同監製唔同，以後唔使監製，而老細唔知係怕咗湖水定點，竟然又答應佢喎，就係因為咁，監製就被調走。不過件事未完，其實個節目一直有位廣播界資深人背後睇住，有一晚佢因為頂唔順湖水位女老友，一怒之下反鎖直播室唔畀湖水老友入去，由於節目冇監製，湖水老友求助無門惟有敗走，第二日就收到老闆通知，叫湖水老友以後唔使返，湖水趕走咗監製，變相斷自己朋友米路，係咪報應呢？
撰文：Jessie
姐匙Talk
我姐匙縱橫歌影視幕後，多年嚟冷眼旁觀，娛樂圈大小事都走唔過我雙眼，歡迎大家嚟剝花生。