劉永去年與年輕30載的內地妻子黃麗燕爆出離婚，人生經歷三次婚姻失敗，他更將物業變賣套現一半給前妻，前妻繼續於內地居住，劉永現時身兼母職，親身照顧一對12歲和8歲的兒子，共同在香港生活。
劉永前晚到新城電台接受好友倪詩蓓節目訪問，劉永婚變後多在香港生活，但為兩餐會不時穿梭中港兩地，近日因疫情嚴峻，被迫停工，專心留港親子樂。劉永說：「要工作就會返內地，𠵱家唔使返學，日日陪佢哋上網溫習。」他坦言要照顧一對兒子感到好吃力，但一對兒子肯學習，算乖巧生性。疫情所致，小朋友減少出街，劉永說：「好彩我哋住村屋有個天台，小朋友可以走嚟走去，我會陪住佢哋玩，打波、打拳，限定佢哋玩幾耐就要溫習。」
同前妻有聯絡
至於和前妻黃麗燕的關係，劉永平淡說：「有聯絡，一對仔都有同媽咪聯絡，好簡單打電話微信都可以say hello，唔會影響小朋友心態。」他十分看得開，指和前妻關係和平：「冇乜嘢，除咗佢有佢嘅生活外，我都就快70歲，佢先30幾歲，係好明白會點樣。」至於是否已正式辦理簽紙離婚手續？他表示：「唔想講，唔想小朋友睇到唔開心，呢啲嘢唔緊要，第日係點who knows？」又指不會再拍拖，他笑笑口謂：「我仲拍拖，我同一對仔拍啦！最緊要係做嘢，我𠵱家栽培啲後輩已經好開心。」
採訪、攝影：卓寶花