如果曹星如的拳擊故事是頹廢青年發憤記，陳嘉華的故事便是大學生學拳記，老派父親總求穩定生活及工作，做兒子的卻尋求拳擊的痛快，他大學經濟系畢業後投身拳擊作教練，邊練拳邊訓練。約旦奧運資格賽之路已告一段落，26歲的陳嘉華即將返港，他望以彌足珍貴的港隊資格答謝父母親體諒。
陳嘉華讀大學早年本習空手道，直至24歲才初學西洋拳，獨愛拳擊不成功隨時成仁的痛快，「打拳上到台係有後果，其他運動最多心情低落，但拳擊輸咗係俾人打咗一餐，爆嘴爆眼，精神上負面，身體都有傷害。」大學畢業後，陳嘉華續留拳館工作，父親卻不太滿意其決定，「我媽咪支持嘅，但爸爸就叫我不如考紀律部隊啦，讀咗咁多年書，唔好流咁多汗，佢想我做穩定嘅工作。」
比賽遠在約旦，即使網上有賽事直播，他坦言不知父母有否觀看。他想起臨行前母親為他執拾行李，當時母親細語一聲一路順風，那父親呢？「佢都係話『係咪去比賽呀？』」雖沒有呵護備至的體貼入微，但在他心中，父母點到即止的一言關心，早已勝過千夫不絕的加油聲。
記者：洪量丰