第26屆香港電影評論學會頒獎禮昨日在灣仔藝術中心舉行，因武漢肺炎疫情，頒獎禮閉門不招待傳媒進場採訪，只作網上直播。憑《幻愛》獲得最佳男演員的劉俊謙，昨日領獎時為香港年輕人發聲：「香港嘅新一代年輕人起來，唔好忘記作為一個人嘅初心。」
被喻為金像獎前哨戰的「第26屆香港電影評論學會大獎」，昨日在灣仔藝術中心舉行頒獎禮，因為疫情嚴峻，頒獎禮不設記者採訪，改為fb直播。大會1月已公佈得獎名單，劉俊謙、太保、曾國祥及蔡思韵等得獎者，昨午3時開始先後到場，所有到場人士都要戴口罩及量度體溫，大會也有安排酒精搓手液予嘉賓使用，場內所有出席人士均戴上口罩，只有領獎時才脫下。
今屆影帝由《幻愛》的劉俊謙及《叔．叔》的太保同時奪得，劉俊謙在台上先多謝大會及家人等，他隨後表示由《一念無明》開始，看到很多新生代出現：「雖然資金低budget，但多咗好多本土關懷題材，似乎一個新開始展開咗。」劉俊謙續說：「今次唔係指向我個人成功，而係新一代開始起來，唔單止新一代演員，而係全香港嘅新一代年輕人起來。我哋唔知會點樣走，好困難，但喺呢個處境中，希望我哋展開新嘅一頁，唔好忘記創作嘅初衷，唔好忘記作為一個人嘅初心。」
望片商用新演員
同獲影帝的太保在台上說︰「知道嗰晚瞓吓醒吓，開心到天光，我自己就好似人生一樣有高有低。」憑《幻愛》獲最佳女主角的蔡思韵則說︰「我第一部主演嘅電影，就畀咗好大鼓勵我，多謝劉俊謙，你係一個好好嘅對手。」
頒獎禮後，三位帝后在會場外接受訪問，劉俊謙被問到台上叫年輕人不要忘記初心，是否想作品為社會現況發聲？他說：「我唔想好單一咁做，創作好多元化，我需要去認可新一代，我31歲同十幾歲的新演員已經隔咗幾代，如果前輩都咁對我，咁我都要同佢哋同行。」他又說今次獲獎希望可以讓投資者知道有不少新演員已經準備好：「近一年作品《金都》等係小本電影，都好多人關注，其實係咪下下都要重金大製作，想投資者考慮拍多啲本土電影。」他又表示與女友蔡思韵已食飯慶祝，笑說想不到兩人同時獲獎：「比開心更大嘅感覺係，『我哋攞咗獎喇？係咪真係做得咁好啊？』」蔡思韵則表示會同媽咪慶祝：「有提佢睇直播，希望佢可以睇到我台上直接多謝佢。」
太保妻台灣隔離
太保日前到德國出席柏林影展，回台灣家後，前日再來港，他說：「入境冇問題，太太冇嚟因為返台灣自行家居隔離14日。」問到對金像獎有否信心？他說：「一切隨緣，唔會想太多。」
另外，原定4月舉行的香港電影金像獎頒獎禮，同樣受武漢肺炎疫情影響，暫時推遲至5月中舉行，不會有實體頒獎禮。
採訪：馬建華
攝影︰陳俊強
