民主派應否就9月立法會選舉搞初選，不少素人或新政團有不同意見，但對民主黨、公民黨這些傳統泛民政黨來說，對以初選還是協商參選名單，沒有太大意見。有主流泛民政黨人士直言，在今天政治形勢下，民主派大黨在地區直選中，「點都係每區拎一席，所以初選定協商係冇乜大影響」，他們反而認為要確保民主派有最多議席，候選人要肯在關鍵時候棄選「保住大局」。
有主流泛民政黨人士稱，他們不想在民主派參選名單，應由初選還是協商產生公開說太多話，「以免畀人覺得大黨想左右件事」，而且不論是哪個方式，對傳統泛民政黨其實影響不大，「民主陣營碎片化，傳統泛民政黨最多都係一區只有一席，亦唔可能出多過一張名單，所以點樣協調其實分別唔大」。
但他又指若民主派想在9月立會選舉奪得最多議席，就必須有一個共同支持的棄選機制，「所有候選人一定要有共識，去到投票前夕，若果要爭到最後一席，其他明知冇機會嘅候選人，一定要肯宣佈棄選，否則冇辦法集中票源搶最後一席，變相益咗建制派」。