離開大台，伍家謙就如跳出舒適圈，試過當主持、拍電影、寫書等工作，但他自言一生也離不開體育，盼有朝一日淡出幕前，香港人也記得他是一名體育傳媒人。
翻看家謙的社交媒體，總會看到他打球或練跑的帖文，現年40歲的他縱使工作繁重，但他仍不忘抽空運動，他笑言：「由我細個練游水，大個打籃球，到入行之後採訪體育，其實呢件事喺我人生冇停過。」他續指喜愛運動不需理由，若硬要找一個原因的話，大概是運動能讓人保持強健體魄：「唔好咁快中年發福，等小朋友想打波時，我都陪到佢哋打。」
人生離不開體育
家謙與喬靖夫等傳媒人在2013年底創立籃球隊傳鬥士，他直言過往打籃球純粹求開心及勝利，但長大後學懂享受過程，亦盼透過籃球鼓勵身邊人，「球隊有個口號never too late，球隊有好多人由細到大都冇接觸過籃球，幾十歲人先接受正規訓練，但只要你肯踏出第一步，冇嘢係太遲。」
提到即將出生的龍鳳胎，家謙笑言希望他們會跟自己一樣熱愛運動，「體育唔係教你點贏，而係教你點樣爭取贏。接受失敗同習慣失敗係兩回事，人生入面往往有好多挫折，好難一帆風順，而你一次成功可能係建基於之前無數失敗上面，而運動會教你點喺失敗中學習。」
記者：許嘉明