慈善名伶鄧永祥（新馬師曾）的姨仔、祥嫂洪金梅的胞妹洪國華（十一姨），前日與世長辭，終年65歲，祥嫂於去年7月病逝，十一姨前日也走了，兩姐妹在天國再遇！而導演張之珏的胞妹張寶之與十一姨相交逾40年，十一姨兒子的契媽就是張寶之，對於好友離世，張寶之昨日接受《蘋果》電話訪問時表示：「噚日下晝離開，佢其實係細菌感染，心臟唔係幾好，入咗醫院都有兩個幾星期，準確日子我唔係好記得。」由於武漢肺炎肆虐，醫院實施探病限制，張寶之未能見好友最後一面：「我見唔到，但佢個仔見到最後一面。」
至於十一姨跟祥嫂的恩怨情仇，張寶之即封嘴。問到十一姨有否心願未了？張寶之說：「冇，佢個仔都好大個，佢走嘅時候都唔辛苦，當時佢都係昏迷。我會幫手處理喪事，跟佢遺願去做，應該係佛教儀式，暫時未定出殯日子。」
採訪：皓騫
