黃秋生和名廚好友張錦祥（Ricky）為ViuTV主持的飲食節目《究竟食咗乜》上周五播畢，在最後一集中，有眼利網民發現，秋生在節目中唱《Stand By Me》時所戴的黑色cap帽的圖案被打格，隱約所見圖案疑似是黑色洋紫荊，黑洋紫荊圖案除了象徵抗爭，也暗示香港人的基本權利被侵蝕，有網民質疑ViuTV作自我審查。
對於被質疑自我審查，《蘋果》向ViuTV了解，發言人表示：「我哋冇回應。」而秋生則回覆：「頂帽係朋友設計嘅牌子，係洋紫荊圖，但因為係品牌，所以唔出得。」再問為何選唱《Stand By Me》，秋生笑說：「因為我只係識得彈唱呢首歌，係我飲歌。有時又唔使過度敏感嘅，如果係自我審查，咁又認為唱《Stand By Me》有意思，咁點解又照出呢？咁咪好矛盾？英文歌人哋都識唱嘛！」秋生還自爆：「我仲用口琴吹咗《榮光》㖭，都冇出啦，飲食節目嘛，對住個海吹，好有氣勢，自己過癮。」
採訪︰唐琛悠