國際冠軍盃（ICC、圖）近年經常嚟亞洲掘金，但因為家陣武漢肺炎大爆發，ICC就透露歐洲勁旅今夏唔會再嚟中國、日、韓、新加坡等地，比賽只會喺番歐洲、澳洲同北美度踢。至於亞冠盃亦因疫情影響而係咁改賽程，最新就話會將淘汰賽階段嘅比賽押後到八月踢，如果嚟緊四輪分組賽因疫情等問題踢唔到，就順延去5至6月嘅特定日子補賽喎。