黃美棋、利穎怡與黃耀英等分別到各區出席口罩捐贈活動，美棋在出席活動前發生一段小插曲，她說：「我揸車唔識路，搵緊路之際隔籬有一架車呠我，有兩個太太問我要去邊，佢哋叫我跟住佢哋行，仲帶埋我泊位，當我落車講多謝，佢哋就送咗一個布口罩畀我，仲話兩個師奶冇乜嘢識做，就車咗啲布口罩幫吓人。」她續說：「我知道佢哋有上網賣，用成本價，呢啲口罩好環保、加多層保護，我之後都會幫襯，真係出路遇貴人。」美棋指疫情令工作受影響，閒時會拍煮食的短片，希望引人發笑之餘，也能讓大家增長知識。
另外，利穎怡與黃耀英就以主持身份到各區體察民生，利穎怡探訪露宿者等，而黃耀英也直言見到很多基層市民缺乏資源，感到心酸。
採訪：羅慧敏
攝影：陳慧安、陳俊強