由兩艘畫舫珍寶海鮮舫和太白海鮮舫組成的珍寶王國，至今逾40年歷史，昨日宣佈停業，兩艘畫舫不單是香港著名旅遊地標，更是不少中外電影的取景地。當中周星馳在《食神》的終極一戰更是經典，片中擔任評判的薛家燕，坐住龍椅食星爺的黯然銷魂飯，也是港人的集體回憶，她昨日回覆《蘋果》時說：「聽到呢個消息好sad，佢嘅叉燒飯幾好味。」
周星馳在1996年上映的《食神》中在珍寶王國進行終極大戰，向來被視為港片的經典，當年有份拍《食神》的薛家燕，昨日回覆《蘋果》時說：「聽到海鮮舫停業好可惜，都明白好難捱，冇人去，員工都要出糧，聽到呢個消息好sad，好多員工嘅家庭都會受影響。」問到家燕姐畫舫中哪款食物有印象？家燕姐說︰「我食過佢嘅叉燒飯幾好味。」令人想起家燕姐在片末食星爺的黯然銷魂飯，食到流淚的一幕。
田雞難忘趕夜場
當年有份參與《食神》幕前和幕後的田啟文（田雞），回應海鮮舫停業也不勝欷歔，他說︰「我自己都有去幫襯，之前知道佢哋cut人又放無薪假，早排去飲茶，得番八款點心。」談起當年拍《食神》的點滴，他說︰「嗰時係1996年，我哋嘅主場景其實喺太白海鮮舫，佢哋吉咗嚟畀我哋拍，象徵式收返水電，戲入面啲食物，我哋帶去但要借佢哋嘅廚房用，只係萬零元一日。」家燕姐於片中坐過海鮮舫內的龍椅，一直是食客景點，田雞指戲中周星馳亦有坐上去拍︰「珍寶一路都做緊生意，所以我哋要攝時間去拍，通常都係開夜拍到天光。」
身在馬來西亞的吳孟達昨接受《蘋果》訪問，他說︰「珍寶好多年，細細個喺香港仔已經有，有幫襯過。」他表示當時香港仔相對落後，到鴨脷洲要坐小艇過去︰「嗰時好多小朋友喺珍寶海鮮舫岸邊潛水，因為好多遊客專登掉錢落水畀佢哋潛，一毫、斗零咁樣，相信好少人見過。」《食神》導演李力持昨早在fb留言：「電影《食神》喺度拍結局，可惜40幾年歷史……珍寶海鮮舫都捱唔住了，再見！」
發哥宴請靚佬湯
珍寶王國亦是荷李活來港取景的熱點，金像導演史提芬蘇德堡（Steven Soderbergh）於2010年時拍攝的電影《世紀戰疫》（Contagion），當時就帶同奧斯卡影后姬妮芙柏露（Gwyneth Paltrow），於海鮮舫拍攝賭場戲。50年代電影《生死戀》（Love Is a Many-Splendored Thing）中，巨星威廉荷頓（William Holden）也曾到該處取景。1979年美國電視劇《The Amazing Spiderman》曾來港拍攝，片中蜘蛛俠被壞人窮追不捨，更爬到海鮮舫躲避，並與壞蛋展開對戰。多年來也有不少外國影星都是珍寶王國座上客，如尊榮（John Wayne）及尤伯連納（Yul Brynner）等。當中，2000年湯告魯斯（Tom Cruise）來港宣傳《職業特工隊2》（Mission：Impossible II），周潤發帶湯告魯斯到海鮮舫用餐。
採訪： 比華利、如文、何永寧