賭王三房孻仔何猷啟與國產老婆齊嬌（GiGi）兩年抱兩女，分別為大女Tittania和細女Tylia。猷啟對於老婆及女兒一事甚低調，母親陳婉珍及家姐超蓮都甚配合，不過前晚超蓮罕有曝光兩個姪女的生活點滴。
從Ig片段中，見到超蓮捉住猷啟細女Tylia的小手，留言「morning」，另一條片是嫲嫲陳婉珍與大孫女Tittania互動，兩歲多的Tittania在揀車厘子，陳婉珍就拎住膠袋幫手袋着，聽到超蓮跟媽媽研究：「佢應該會掃咗成碟，好嘢，嫲嫲。」之後，就聽到三太同Tittania講了一句：「夠就……」，其間Tittania抬頭望了嫲嫲，她聽到嫲嫲教導，就好乖巧地停手，絕不貪心，之後接過嫲嫲幫她拎的車厘子，兩嫲孫甚溫馨。
撰文：小乙
