王喜近日為港台節目《頭條新聞》拍攝《驚方訊息》單元大受歡迎，王喜昨日為李婉華的YouTube頻道直播節目擔任嘉賓，他提到《驚方訊息》說：「我哋用呢個嬉笑怒罵嘅形式去反映荒謬，正正係因為言論自由嘅收窄。」李婉華問王喜是否因為曾經當香港皇家警察，因此特別感受到現時的不公？他說：「因為今日我依然係香港人。」他以家傭比喻警察的職務：「我哋有期望係因為我畀錢你做嘢，你唔需要做我冇叫你做嘅嘢，我冇叫你打人、犯法。」
有網民問王喜是否信有「白警」？他直言：「唔信，佢哋冇一個係無辜。」王喜自言在雨傘運動期間是藍絲：「最大嘅轉折係警暴，睇到犯法、酷刑，有受過九年免費教育嘅人都會明白。」王喜指因為油塘1月有男子墮樓，令他堅定信念：「有個警察家屬都因為呢件事，打嚟同我哭訴同大嗌『XX死全家』。」王喜又指武漢肺炎是「生化武器」：「我信係人為嘅生化武器，目的係想殺人。」不少網民感謝王喜發聲，他語重心長說：「呢幾個月，其實我冇攞啲乜出嚟，好多人為香港攞埋條命出嚟，我嘅付出係微不足道。」
撰文：盧妹