「細貓」應智越前年參與ViuTV《全民造星》，於2013年赴韓國升學兼當練習生的他，經過7年軍訓式刻苦練習，去年12月終於完成課程，面對文化種族壓力難以跑出，最終還是放棄韓國oppa之夢回港發展，慶幸細貓日前在南韓疫症爆發前已回港，逃過一劫。
現年24歲的細貓日前接受《蘋果》專訪，細訴當練習生苦水，而受武漢肺炎在韓國大爆發影響，原定今年2月舉行的畢業禮要延期至8月舉行，日前他才由韓國返港，短期內不會再返韓，並憶述在韓國同樣一罩難求，擔心當地朋友：「佢哋話會避免出街注重衞生。」又坦言：「對比香港，係仍然唔注重衞生，仍然有人唔戴口罩，較危險。之前都有提過飲食文化問題，好興一人一匙羮插入同一碗湯飲，令佢哋迅速傳播其中之一。」
「最慘睇唔到未來」
近日細貓簽新公司首在香港推歌，在疫情嚴峻之時回流發展，細貓作好最壞打算：「預咗困難，反而呢個時期香港人更需要放鬆同正能量，抱住一個心態哪怕畀到一點點慰藉大家都好。」為何捨棄韓國發展？細貓坦言：「嗰邊訓練最慘睇唔到未來，當好多人識唱識跳，你點樣突圍而出呢？」
細貓回想在韓國返學時每日早上9點上堂至3點放學，之後到公司練習，為維持生計練習完再做便利店兼職，幾乎每日只睡幾小時。經歷辛酸有苦自己知，由於民族不同，在當地最好朋友還是香港人，細貓說：「佢哋尊卑好重，我叫讀咗7年，韓國同學師弟師妹知道我喺香港做緊呢個行業，就會好驚咁稱呼我前輩，好難同佢哋好close。」
異鄉人吃盡苦頭
雖然說得一口流利韓文，但似乎對細貓幫助不大：「韓國老師比較偏幫韓國學生，韓國人參與節目攞個等級會好啲，外國人參加會冇咁高分。」直認人在異鄉吃不少苦頭，經常被怒罵，他說：「軍訓式比較嚴格，成日都會俾人鬧，香港學嘢老師會叫你加油畀心機，但韓國就唔係，會訓話式同你講。」另一方面韓國集訓出名嚴厲苛刻掣肘多，例如禁止拍拖、去夜街等，細貓坦言有相關規矩，他亦自律遵從。軍訓練習唯一令細貓佔優勢是體能，絕不輸蝕給韓國oppa，每日運動打泰拳，一身好肌肉，希望在港有機會騷肌。
撰文：卓寶花
攝影：林德雄