太子8.31事件前晚半周年紀念，有市民集結在太子港鐵站外悼念、獻花，後來演變成警民衝突，警方再度大放催淚彈。黃秋生及杜汶澤不忿抗爭者再度被欺凌，於社交網寸爆警方，秋生直言：「班恐怖分子好似失控。」阿澤更怒斥警方「死不足惜」！
大批市民前晚聚集太子港鐵站B1出口外獻花，紀念半年前發生的8.31事件，最初秩序良好，不過當警員出現後，氣氛瞬間變得緊張，雙方再起衝突。其間防暴警狂射催淚彈及胡椒噴霧驅散人群，又有記者遭防暴警噴椒及不禮貌對待。影帝黃秋生不齒警方前晚行為，前晚在fb留言：「班武裝暴力集團又出嚟擾民，班恐怖分子好似失控喎，加人工去搗亂。」勁寸立法會財務委員會日前通過包括警隊在內的公務員加薪撥款。一向敢言的秋生昨早又為律政司鄭若驊深夜發稿，稱檢控黎智英等人不受政治影響，再次發聲︰「此地無銀三百両呀！」
王宗堯太子獻花
毋忘8.31事件不只秋生，還有杜汶澤，他前晚在fb留言：「你以為今個月冇31號，我哋就會忘記8.31？香港警察，死不足惜！沒有一個是無辜的。」阿澤又嘲笑一名防暴警突然向後跳又滑到：「你跣親唔係問題，但係你向後跳嗰下係想表達啲乜X嘢呢？」
多次走上前線的王宗堯，前晚更現身太子站，他在社交網貼相，見到戴上黑色口罩的他一身黑裝，手捧着一箱白菊花，網民紛紛留言叫他「小心啲」、「要平安」，他隨後留言表示自己已經離開：「大家不用擔心，大家都要小心……不送頭……」王宗堯好友、因「黑警死全家」揮春被辭職的港台前DJ黃冠斌前晚也有到太子，他貼出一張警方橫排攔着彌敦道的照片，留言：「8:31PM，本來想落太子買花，點知……」相隔一小時，他再貼相，照片則是放滿鮮花的太子站B1出口，他在相片配字：「真相總有一天走到地面。」
女歌手駱胤鳴去年疑因政治表態，不獲無綫續約，她前晚在Ig貼出一張風景照並留言：「呢半年入面好多嘢發生咗，我冇咗份工，多咗個老公，我搬咗屋，一個人住，冇工開就打吓機剪吓片，有工開就校鬧鐘準時返工，得閒幫人排隊買口罩，買消毒藥水、買紙巾，但同時間，喺呢個香港有人家破人亡，有人妻離子散，有人分隔兩地，亦有人緊抱希望。」
駱胤鳴：十倍奉還
駱胤鳴指最美的風景一直在身邊，又呼籲大家要多關心身邊的人：「多啲關心香港嘅事，或者我哋已經失望得太多次，甚至唔知道點樣繼續希望落去，但如果你攰了，停低腳步，抬一抬頭，一定可以見到更靚嘅風景。」最後她還說：「我哋選擇記住，唔係抱擁仇恨，而係好似半澤直樹一樣，終有一日會十倍奉還，記住呢種推動力，好有用。我哋永遠記實，嗰一日嗰一刻銘心刻骨！」
撰文︰祖李