【第70屆柏林電影節】柏林影展以表揚LGBTQ題材電影的泰迪熊獎，今屆結果於香港時間昨日凌晨頒發，德國導演Faraz Shariat的《No Hard Feelings》被選為最佳電影，同時亦奪得讀者獎，風頭一時無兩，而台灣導演蔡明亮的《日子》獲頒評審團獎。
籲接納同性婚姻
同時也是競賽電影的《日子》，蔡明亮帶領兩位男主角李康生及Anong Houngheuangsy，以及電影團隊齊齊上台領獎，蔡明亮接過殊榮後多謝台灣，亦希望其他國家及地區可以跟台灣一樣，陸續接納同性婚姻。其他獎項方面，法國作品《If It Were Love》奪得最佳紀錄片，最佳短片得獎影片是《Playback》。至於由太保和袁富華主演的香港同志片《叔．叔》今屆亦有份入圍競逐，太保跟袁富華以及導演楊曜愷早前已抵達柏林宣傳，日前更在當地舉行首映禮，但最終空手而回。
袁富華感恩入圍
袁富華昨日接受《蘋果》電話訪問，對於《叔．叔》未能獲獎，他表示沒有失望︰「有冇獎都唔係大問題，難得一套低成本嘅獨立電影，今次能夠參與柏林影展，同咁多優秀影片喺埋一齊，而《叔．叔》其中之一係難能可貴，邊度會有失望。」對今次柏林之行，袁富華表示好感恩︰「套戲開拍時都冇諗過會行到咁遠，到製作完成後，套戲就好似有自己嘅命運咁，慢慢行到今日，已經好感恩。因為初初開拍時冇諗到，只係想將一個值得關注嘅故事同話題，畀大眾睇到，嚟到今日套戲有嘅所有嘢，都已經係bonus。」
採訪：如文