大阪電影節中特別設有的Special Focus on Hong Kong觀摩環節，今年共有6齣港片展出，除3部入圍主競賽的港片及《花椒之味》外，還有李卓斌執導、溫碧霞（Irene）主演的《墮落花》，以及黃浩然、林子穎聯合執導、余香凝演出的短篇電影《四段四分鐘》。而據知Irene、余香凝、黃浩然及林子穎都會出席。
繼《G殺》後再次殺入大阪電影節的導演李卓斌，早前接受《蘋果》訪問，直言對能再次去這美麗城市參與影展感到榮幸。談到新作《墮落花》，李卓斌指處理的元素較前作多︰「有製冰毒過程、黑幫活動同槍戰場面，當中亦有唔少疑幻疑真場面，回憶同幻覺交集，唯一同前作相同嘅，係想透過一段製毒家族嘅興衰，講一個關於香港嘅故事。」
挑戰難度吸毒咀女
不少人都着重戲中Irene跟陳漢娜（Hanna）的激情戲份，導演話毋須過份放大這部份，他說︰「因為兩個角色喺成長背景同價值觀都好相似，好容易互相吸引對方。拍攝過程裏面陳漢娜感覺仲主導，Irene反而比較有少女嘅感覺。」
Irene早前接受訪問亦表示《墮》片有很多場戲均非常難忘，特別是激情部份，她說︰「最難演係角色有毒癮，除咗飲酒之外，都要知道吸毒嗰種感覺係點樣，所以都有做一啲research。」她亦提到同性拍親熱戲較尷尬，因為之前未拍同類戲，又自爆除Hanna外，跟關智斌亦有情慾戲份︰「不過投入咗之後，同Hanna拍出嚟感覺好自然，好真實。好多時拍呢類情慾戲，男仔同女仔都會覺得尷尬。」Irene亦欣賞編劇於其角色餘雨的設定，她說︰「好dramatic，一路睇落去會追故事發生，好多場戲都好有發揮，同過往演開嘅戲路好唔同！」
另外，《四段四分鐘》以四段戀愛、四個階段，去闡述都巿現代男女錯綜複雜的愛情，戲中沉醉交友程式的余香凝，一次又一次與男生發生關係，卻又害怕建立關係。
採訪：何永寧