【本報訊】武漢肺炎疫潮，已波及山野。近期每逢假日，人們蜂擁上山，遺下大量口罩、酒精搓手液樽等「時令」垃圾。記者昨日跟隨義工到魔鬼山執垃圾，一個多小時就執到近20袋垃圾，包括快餐店飲品杯、紙皮等，疑是刻意傾倒。義工慨嘆港人欠行山禮儀，只好從個人做起：「再唔做佢哋下一代會承受得好慘。」
義工慨嘆：下一代要還
從事教育的陳鳳屏（Kitti）昨日和義工到魔鬼山執垃圾，未到山頂已看到懷疑非法傾倒的垃圾，涼亭後方的山腰鋪滿垃圾，有口罩、酒精搓手液樽、手套等「時令」產物，還有快餐店飲品杯、紙皮之類的家居垃圾。Kitti與義工一個多小時撿起近20袋垃圾，當中光是口罩已逾20個，途人紛紛投注目禮，但亦有人在旁吐口水。
「真係刻意傾倒，唔知係咪有啲人丟晒落嚟，家居垃圾，諗得出嘅嘢都有，好嘔心。」自從疫症爆發後，Kitti空餘時間上山執垃圾，「平日（行山）都好似旺角咁多人」。
Edmund帶同就讀小六的女兒Grace上山執垃圾，他估計昨日山頭乾淨是因為有人義務拾走垃圾，「希望（大家有行山禮儀）咗幾十年，有啲人死性不改，惟有上網派嬲囉，有時睇唔過眼會噏吓」。垃圾堆積會滋生蚊蟲及細菌病毒，一人丟一點，累積下來就是大量垃圾。Edmund說，自己帶走垃圾並非難事，「我哋住喺呢個地方，乾淨衞生，係咪會住得舒服啲？我哋試過（垃圾）袋到返屋企樓下先丟。要做啦，再唔做佢哋下一代會承受得好慘，要還債」。
■記者袁楚雙、周詠雯