莊思敏、龐景峰與陳約臨昨日到柴灣為胡敏珊代理的防疫用品拍廣告，胡敏珊表示投資最少7位數字，她透露婚事因疫情而延期：「原本諗住今年影吓相，𠵱家乜都delay晒，等疫情過咗睇吓點。」莊思敏為早前宣佈將與台灣男友楊秉逸結婚後首公開露面，她甜笑表示將一切從簡，下月中在家中簽字結婚：「唔想聚集咁多人，唔會有好大儀式，雙方父母都未能見證，好彩佢哋唔介意。」
莊思敏表示因怕煩，未有拍婚紗相，簽字當日亦未必穿婚紗：「諗住着睡衣簽完再上樓瞓，反而佢（未婚夫）有個夢幻婚禮。」閃嫁的莊思敏否認雙喜臨門，認為生B要隨緣。龐景峰亦表示因疫情關係，對演藝學校生意有影響，但搞笑表示家中很多動漫卡通（《龍珠》）：「我叫女友放心，屋企好安全，42集我齊晒，仲有海報同DVD。」
採訪：盧妹
攝影：陳慧安