【地產專題】80後Kelly和Lamma自中學相識至今十多年，深深體會辣招重稅令買樓「人頭」可貴，萌生夾錢買樓投資大計；過去兩年買完一間又一間，合共斥資逾1,000萬元，博資金翻一番。然而世間多少拖友以至姻親夾錢買樓不歡而散，何況沒血緣關係的金蘭姊妹？Kelly表示：「呢個問題，就算兩公婆、屋企人都係有可能發展嘅事，冇得預計咁多。做人講個信字，吓吓計住，好難同人合作和相處。」Lamma則稱：「朋友仲信得過男人！」
從事會計的Kelly已婚有仔女，目前一家住在以丈夫名義持有的物業，「老公有層樓，啲名用晒啦！」她2013年購入元朗新盤單位，持貨數年沽出，「甩咗舊呢層樓先至可以再買樓，15%（從價印花稅）真係幾嚇人。今次想試吓市區，見回報唔錯，同埋預計大角嘴十年內會變天，所以博一博」。單身Lamma則稱：「我哋不嬲有夾錢投資諗法，呢度（大角嘴）近佢屋企人，發展又唔錯，就萌生夾錢買樓念頭。」
利奧坊．凱岸驗樓評91分
2018年Kelly以個人名義斥資逾600萬元買入恒地（012）大角嘴利奧坊．凱岸一個200多呎一房戶，付四成首期，涉資約250萬元，首期一半資金來自Lamma。未夠一年，Lamma以個人名義斥資近400萬元購入大埔白石角一個200多呎開放式單位，暫未上會，但預計付三成首期，涉資約120萬元，同樣是兩人各承擔一半資金。如此大計卻沒白紙黑字訂立任何條款，二人笑說：「我哋係咪要寫返，哈哈！」
Lamma指在辣招下，有錢人只會越來越有錢，「如果我係富二代，父母咪用返仔女個名繼續買。好似我哋一個人資金唔夠，就要夾個本去買」。
兩人的利奧坊．凱岸一房戶最近收樓，資深驗樓師詹濟南驗收，發現開放式廚房地櫃門設計有問題，打開藏垃圾桶的門，就開不了洗衣機門落洗衣粉。來去水喉雖貼上承建商已檢查封條，現場試一次水，結果無漏水，然而鋅盆盆底有凹陷。全屋瑕疵是玻璃膠邊，主要企缸與房間之間玻璃膠邊有窿，「會擔心啲水會漏入房，防水膠邊冇問題，但都建議整返好有窿」。詹Sir總結單位驗樓得91分，扣分主要是窗。
