漁護署前晚證實一隻居於武漢肺炎確診者大坑寓所的狗隻，對病毒測試呈弱陽性反應，名畫家周巧兒是唯一家住大坑的確診者。消息傳出後，不少網民擔心會有主人棄養寵物自保。出名愛動物的郭秀雲昨日接受《蘋果》訪問時說：「希望醫護同研究人員好態度啲去照顧，因為啲貓狗唔知乜事，我屋企動物已經唔落街去大小二便，盡量留喺屋企。」她建議：「搵方法幫貓貓狗狗解決，例如用狗尿布，我哋盡量做好工夫，一旦病毒傳染咗畀寵物，都冇辦法。」會否擔心有棄養潮？郭秀雲說：「我對香港人有信心，反而我擔心內地啲動物，唔只係寵物，有好多瀕危嘅野生動物，我係驚無論乜都濫殺。」
「減少錫錫」
養了七隻狗的廖碧兒昨日回應：「我一直有了解係咪真係會傳畀動物，佢哋入屋會用濕毛巾、溫和嘅肥皂抹手腳，再用清水清潔，如果大家啲狗仔細就喺屋企同佢玩多啲，都算係有運動，同埋喺呢段時間盡量少啲錫錫，唔好畀佢哋舐你啲手腳，樣樣小心。」
近日剛領養小唐狗的黃心穎，在Ig以英文留言：「沒有證據指狗隻是會感染新冠肺炎，人類愚蠢的傳染力比真實的病毒可怕！不要棄養！」至於愛護動物協會會長傅明憲則以短訊回覆：「希望狗主唔好因為疫情棄養寵物。」此外，周巧兒潛伏期內曾前往中環向星級醫生楊毅敏求醫，謝賢亦是其中一位病人，他昨日受訪問時表示不擔心：「冇見好耐，冇去佢嗰度睇。」
採訪：羅慧敏、嵐山