郭奕芯、洛兒、陳海寧和陳欣妍於ViuTV節目《辣伙頭》比拼廚藝。四女雖然廚藝一般，但也非地獄廚神，早前四女在觀塘接受訪問，郭奕芯自爆17歲首次下廚，為男友煮烏冬，她說：「第一次入廚男朋友嫌棄我乜都唔識煮，我第一次係煮烏冬，細個時好驚打火機同煤氣，後來學識煮麵，覺得煮嘢食唔係好難，之後學識煲湯，喺呢個節目學到好多嘢，令我廚藝進步。」她表示會繼續鑽研：「做女仔識煮嘢食係基本，係賢內助感覺，會加分，對自己將來有好處。」但她指不會全職做黃面婆：「我覺得人係犯賤，任何人剛煮畀佢食佢會話好正，然後食晒，但煮得多就開始嫌棄、食剩，好自然失去煮嘢食嘅初衷。我覺得要維繫一段感情，對男人係唔可以太好，煮得多佢未必會珍惜，間中食吓好喇。」
四人始終不是專業廚師，錄影節目時遇上不少蝦碌，陳海寧取笑郭奕芯曾煮蟹，但用了蘭花做擺盤，覺得格格不入而沒有試食。而洛兒更被踢爆差點把廚房燒掉，她回想也忍不住笑：「我唔知電磁爐都會着火，落咗啲油擺太耐就着火。」
採訪：王連連
攝影：葉君海
場地提供：Comma Party
服裝提供：Lily Brown（郭奕芯）