吳啟明想盡方法保留香港的食肆，但在內地河南的兩間分店卻難逃執笠厄運：「武漢肺炎大爆發，內地政府講明直情唔畀你開，長痛不如短痛，好彩內地開店冇香港咁貴，兩間摺埋蝕咗一定有7位數字。」可會待疫情散去再搞？吳啟明耍手擰頭：「唔會喇，因為我嘅政治取向，我少返內地。」
吳啟明透露原來有好多發展大計，眼見港人自逆權運動後有興趣移民台灣，已籌劃把餐廳食物衝出香港，「我諗住copy全店十幾款菜式過去，每一味餸菜開一間專門店，都係大牌檔細店，即使大家開隔籬都唔怕搶生意，本來一個月前安排好一個40人團去考察睇舖位，疫情爆發，台灣唔畀中港澳人入境，成個團都hold住，但我相信呢啲阻滯會過去，總會見晴天。」
採訪：比華利