港府日前因應南韓武漢肺炎疫情，宣佈對南韓封關，雖然建制陣營及專家均指有關做法果斷，但港府今次「果斷行動」，卻變相凸顯之前特首林鄭月娥拒對疫情更嚴峻的大陸封關，當中明顯有政治考量，情願港人承受風險，也不敢得罪北京。有政界中人直言，之前林鄭拒封大陸關的言論「句句去到盡」，「結果𠵱家變晒回力鏢，句句打返自己」。
凸顯抗疫政治先行
該政界人士指，前晚港府宣佈對南韓封關後，不論網上還是他的WhatsApp群組朋友，紛紛引用林鄭拒封大陸關口的言論，「用林鄭打返林鄭」，如林鄭曾以不准某些人來港是助長歧視，反駁醫護指封關是阻大陸人來港，「咁𠵱家封南韓關，又係咪港府助長歧視南韓人？」又如之前林鄭開行會前，再被問到會否封關，當時林鄭發晦氣說：「封關影響唔係再去封人，再去封就係封需要嘅貨運，封要返嚟嘅港人！」該政界人士說，有朋友拿這句話揶揄林鄭，「佢（林鄭）話封關要封貨運，咁𠵱家政府係咪封晒南韓手機、電器嚟香港？佢話封關要封返嚟嘅港人，𠵱家係咪喺南韓嘅香港人唔返得香港？」
雖然不少市民也不反對針對南韓封關，但該政界人士直言，對南韓封關可行，「變相證明對大陸封關可行，亦令市民睇穿林鄭之前唔肯封大陸關嘅理由，全部唔係理由，只係佢唔想得罪北京」，所以林鄭今次對南韓封關，不但未見市民有很多掌聲，「反而凸顯林鄭抗疫只係政治先行、係咪科學、係咪保障港人，只係次要」。
季陶
周一、三、五刊出