「#3萬thanks」、「最緊要人有事」、「黑警死全家」呢類說話，最近市民都琅琅上口，源於係有首宗警員確診武漢肺炎，實在難掩狂喜心情。有人歡喜，但鼠王芬就嬲嬲，尋日開記招指言論違反《殘疾歧視條例》，仲要求平機會跟進。結果呢，平機會真係好快跟進咗，即晚出聲明澄清，有關言論雖然不恰當，但不違法。
平機會聲明解釋，針對某特定職業嘅幸災樂禍言論並無違反《條例》。但如果涉及「殘疾中傷」同「嚴重中傷」，例如公開講某種殘疾嘅人無用，係社會負累，應該遠離社會等，咁就犯法喇。平機會最後都呼籲大眾保持同理心，有關言論無助控制疫情。八方就覺得鼠王芬欠「飯敍集團」一個道歉，染咗武肺已經好慘，仲曲線被罵係殘疾。查實涉嫌歧視言論，警隊都發表過唔少，肆無忌憚咁話市民係「曱甴」、記者係「黑記」，醫護係「黑護」，唔知鼠王芬又點睇呢？