著名歌唱老師鮑培莉於本月17日病逝，享年77歲。其家人昨日為鮑培莉在九龍世界殯儀館設靈，靈堂佈置簡約，中央放有鮑培莉的遺照，前列位置放有她的3名子女和孫女、女婿的心形花牌。另外，汪明荃（阿姐）、「黑妹」李麗霞及陳復生等送上花牌致意。
邵音音奚秀蘭弔唁
阿姐於下午5時許現身殯儀館，陳榮峻與太太吳香倫也有現身弔唁。約40分鐘後，阿姐、奚秀蘭及邵音音一同離開靈堂，在門外受訪時，阿姐提到自己當年是鮑老師的學生，並讚揚對方：「好叻，有一把好好聽嘅聲音，有佢嘅教導，喺自己唱歌嘅初期打咗一個好好嘅基礎。」問到有否與老師保持聯絡？她表示：「都有一段時間冇咁多來往，但係自己早前50周年演唱會，都有邀請鮑老師嚟睇，佢都有話『汪明荃唱得好好』，我聽到係一個好大嘅鼓勵。」
梁漢文遺憾沒見面
其後梁漢文到靈堂逗留約一小時，他離開前受訪說：「上個月一直約緊老師食飯，但約唔到，上星期先收到老師離開嘅消息，有一段時間都冇見過佢，約唔到有啲遺憾。」他續道：「鮑老師係我第一個唱歌老師，我16歲跟佢學唱歌，不過學咗一年，老師就話要移民美國，臨走嘅時候，佢話你不如試下自己實力參加新秀，做咗我提名人，冇佢就冇梁漢文。」
鮑培莉60年代開始唱歌生涯，早年主要唱民族及藝術歌曲，其後她推出唱片，名曲包括《送我一枝玫瑰花》、《情人》和《阿蘭娜》等，她又為不少電影唱主題曲和插曲，如《怒海情仇》及《野姑娘》等。
採訪：曹家誠
攝影：陳俊強