禮拜日意甲早場，拉素憑住阿當馬路錫、恩莫比尼及卡達迪嘅入球，以3:2險勝熱拿亞。拉素近6場意甲取得4勝2和戰績，喺積分榜上僅落後榜首祖雲達斯一分。今季狀態火熱嘅30歲前鋒恩莫比尼，仲成為事隔61年後首位喺25輪聯賽後射入27球嘅意甲球員，兼喺神射手榜上以6球之差拋離第2位嘅基斯坦奴朗拿度。