【本報訊】早前美孚翠雅山房隔離營被盛讚膳食一流，但原來「同人唔同命」，西貢戶外康樂中心及火炭駿洋邨兩個檢疫中心，昨有隔離人士投訴膳食供應有問題，其中西貢戶外康樂中心有數十名被隔離男子，更與營內職員發生爭執並互相推撞，雙方糾纏近一小時，場面混亂，需要營外駐守警員維持秩序，其間有人形容：「呢度根本就唔係隔離營，係自生自滅營呀！」另外，駿洋邨兩個檢疫中心前晚更有人不獲派飯，職員其後叫他們吃杯麵充飢，昨日早餐亦延至早上11時才獲派發。
走廊派飯 「營友」轟變相播毒
西貢戶外康樂中心一名被隔離人士許先生向《蘋果》透露，營內有百多名「營友」，主要是成年男子，每六人同住一房。他指營內沒電視、報紙、電腦，三餐份量亦不足。許先生指營內提供的三餐「仲衰過大陸」，份量嚴重不足，根本未能符合一個成年人一餐需要，而且沒提供飯單給他們選擇，要他們先到先得，「早餐得兩粒燒賣齋腸，淡茂茂，午餐晚餐就係茄蛋飯、雞髀飯、排骨飯，搭多兩條菜，個個都想食雞髀飯㗎啦，唔夠派大家咪要爭囉，搞到又嘈一大輪，最後又食唔飽」。
許先生稱他們曾向職員要求為他們買外賣，例如杯麵、麵包、牛奶等，但對方未有回應，「講真我哋又唔係犯人，又唔係叫佢哋買煙仔，只係話想買多少少嘢食，買少少補充品，等我哋肚餓時可以食，點知佢理都唔理我哋」。他指這個情況已持續多天，早前曾發生一次小規模衝突，營內職員才提供杯麵給營友。
營內職員又安排營友在走廊位置取飯，而非派飯到他們房間，許先生直斥營方罔顧大家安全，增加感染風險，「呢度大部份人都係由大陸返落嚟先至嚟隔離，你叫大家去走廊拎飯，咪好易交叉感染囉！」
另外，據港台報道，有在火炭駿洋邨檢疫中心接受隔離的市民表示，前日沒獲派發晚餐，經追問下，當局解釋是供應商出錯，不夠飯餐派發，工作人員一度表示會協助外出購買晚餐，但其後因人手不足無法購買，要求他吃杯麵充飢。另外，昨日早餐亦延至早上11時才派發，食物已放涼。營友擔心駿洋邨越來越多人入住，當局管理會出現問題。
■記者黎家駒