太保入行50年,於超過300部作品中演過眾多不同人物,包括道友、古惑仔、差佬甚至漢奸,但有兩類角色,他堅拒接拍︰「唯一唔做就係強姦犯,同埋三級片,亦都好少人搵我嚟演,可能唔夠靚仔。通常搵我做沙包,臨老拍咗套同志片,係太太叫我接。」
太保指每次收到劇本,都會讓太太過目給意見,今趟她看完《叔.叔》劇本後,強烈要求老公接拍,就算明知有場男男的床上戲,她都不介意。太保笑笑口話跟袁富華的「床戲」都是點到即止,他笑言︰「我入行咁耐銀幕初吻係畀咗陳勳奇,劇情係講我用嘴過把剃刀畀佢。」太保近年亦在台灣發展涉獵當年沒有踏足過的電視及音樂圈,憑《鐵樹花開》在2007年贏得戲劇節目男配角獎。他更先後替林俊傑《裂縫中的陽光》、台語RAP組合草屯囝仔&臭屁嬰仔《放蕩不羈》MV演出,角色都離不開社團中人或者慈父。
採訪︰何永寧
攝影︰林賓尼