菲律賓向中港澳發出旅遊禁令，對不少本港家庭來說可謂晴天霹靂，一名長期病患的好僱主頓失依靠，惟有獨力支撐，還仗義向滯留當地的傭工滙款支援，一個人撐起兩頭家。
救回女兒 視菲傭恩人
30多歲的Kitty是位全職家庭主婦，育有兩名六歲和八歲女兒，本身患有低血糖及低血壓，七年前聘用菲傭Gi，幫忙照顧家庭，她坦言與姐姐關係友好，對方甚至是女兒的救命恩人。「有次我兩個女食食吓早餐突然暈低冇晒知覺」。幸好有Gi在場才及時救回女兒一命。
今年1月底，Gi放大假返菲律賓，原定2月初返港，因禁令推遲返港，Kitty的生活亦因而展開翻天覆地的改變。體弱多病的她，平時要多休息，但自此她每日工作十多小時，照顧兩名女兒日常生活之餘，更要為下班回家的丈夫徹底消毒。「真係試過米缸剩兩嘜米，嗰吓真係好痛苦，睇住好多人去搶廁紙、搶米，我望住個米缸，其實我要買，但我冇能力帶住兩個女出去」。
她指，這半個月來一星期只能外出一次，家中雪櫃食材所剩無幾，心情極為無奈，「有時真係冇晒新鮮蔬果，就要叫鄰居幫我。」過去兩周她已三度打擾鄰居，但口罩實在不敢麻煩別人代勞，「我冇辦法出去排口罩，如果我帶埋兩個女出去要用三個口罩，𠵱家我屋企成人口罩得半盒，小朋友用嘅得返一盒，慳得就慳」。
雖然菲傭滯留為Kitty帶來麻煩，但她未有多加責怪，更在朋友建議應給予外傭無薪假時，堅持電滙2月份人工至菲律賓，協助菲傭應付難關，「其實佢喺菲律賓都有家庭要照顧，有家人要養，會失晒預算，如果佢有人工，起碼可以維持家庭開支」。她指：「其實佢已經冇咩錢，所以我咪同佢講『你唔使擔心啦，我幫你滙呢個月嘅人工去菲律賓畀你用住先。』」
對於有些僱主決定解約，另聘印傭解決燃眉之急，她不敢苟同。「假設我為咗快啲有個人嚟我屋企幫手，炒咗佢再請個現成，可能真係好快，但件事唔係我工人嘅錯，其實咁樣對佢好唔公平，佢都需要一份工照顧佢屋企嘛」。現時她正等待菲傭歸來，讓家庭重拾正軌。