【本報訊】乒乓球港隊代表戰罷匈牙利公開賽返港，勇奪混雙冠軍的黃鎮廷及杜凱琹滿意今站表現，但未來仍要着眼東京奧運，爭取更好排名。
香港「一姐」杜凱琹在今站表現出色，除夥拍黃鎮廷勇奪混雙冠軍外，又與李皓晴在女雙項目殺入決賽。她反映近月賽程較密，故與隊友集中訓練的時間減少：「女雙、混雙都係去到當地先有時間練，嚟緊一星期都會同阿廷練多啲混雙，準備下星期去卡塔爾公開賽。」決賽決勝局一度落後5:8，最終反勝而回。雖贏得驚險，但好拍檔黃鎮廷仍滿意自己的表現：「今站都有唔少強勁對手，尤其決賽對手，我哋喺上一站（德國公開賽）輸畀佢哋0:3，今次可以算係復仇成功。」
香港「一哥」去年11月右腳受傷，至今一直「紮住上」，他透露現時情況尚算良好，但在長時間訓練下仍有不適：「訓練量都減唔到嫁喇，嚟緊又越嚟越多比賽，都要畀隻腳適應下，惟有做多啲康復治療。」
世錦團體賽原訂3月下旬在南韓釜山開打，但近日武漢肺炎在當地大規模爆發，或影響比賽舉行，黃鎮廷及杜凱琹坦言有憂慮，但作為球員角色被動，可以做的事情不多。
記者：麥卓溢