政務司司長張建宗雖指武漢肺炎「受控」，但確診人數持續上升，香港人人人自危，五大裝備缺一不可。日前商台DJ少爺占亦到將軍澳商場撲消毒膠樽仔，着衞衣、戴口罩和cap帽的他，邊四圍望邊篤手機，最後他到日本城找店員查詢，只見店員擰擰頭。失望的阿占，惟有轉場到另一個商場繼續任務，可能由於人流太多，最後他駕車離去。
《蘋果》聯絡阿占時，他以短訊回覆：「嗰日我等個仔上鋼琴班，之後諗住去買消毒水嗰啲樽仔呀。」問到是否要自製消毒液？阿占表示幸好老婆最後買到樽仔：「我都唔知佢要嚟做乜嘅，我係傀儡，佢叫我去買我就買。」他笑指已有齊五大裝備：「乜鬼都有，所有消毒用品就嚟要帶個背囊出街先放得晒。」
採訪、攝影：黃曉程、羅德光