捱過一輪又一輪催淚煙霧及橫飛的子彈，年輕抗爭者被押上囚車，部份中學生已還柙多時。每年2月，考生紛紛開始為文憑試作最後衝刺，有本職中文科補習老師的區議員走到鐵窗之下，設法將15分鐘探訪獄中學生時間變成迷你補習班。惟獄中備試首先要面對一大難題，「監獄入面係無鐘無錶，但我平時教補習，最強調就係計時計時計時……」
逆權運動以來，前線抗爭者常見學生面孔，坊間開始有「黃色補習社」提供義務補習。上水區議員蔣旻正聽聞議員可到監獄公務探訪後，開始想辦法善用探訪機會支援還柙學生，「所有人考DSE都係好大壓力，甚至係經歷咁多抗爭事件、被囚禁緊嘅學生，所以希望盡到補習老師同區議員身份去幫佢哋。」
第一次探訪，阿正清晨6時已起床備課，提早數小時出發去壁屋監獄，以免遲到令懲教人員留下壞印象。帶了自己編撰的參考書、上百頁以議員信紙印製的自修筆記「闖關」，他坦言心情緊張，「擔心過程唔順利，唔知去到見唔見到三個手足。」探訪過後神情輕鬆不少，「教材要等懲教審批先畀到手足，入面有時間溫書，雖然有時有啲嘈。」
囚室不設時鐘 教睇劇計時
還柙的中五、六學生，每周只有懲教署安排教師任教兩至三節課，每節約1至1.5小時，學習資源貧乏。阿正希望抗爭者勿忘學生身份，「有手足話放低咗DSE好耐，咁考一科都好，都有個目標有個寄託。」審批後，首批教材試題順利送到還柙學生。
阿正指探訪前他花上一星期製作筆記，將平時教學的口述內容變成文字稿，例如文言文附上白話文對照，聆聽部份就附錄音文字稿，務求在會面時間內教會學生自修方法。
武漢肺炎疫情亦有打亂他的計劃，「考評局賣past paper中心全線封咗，圖書館閂晒」，全港最少考生報考的綜合科學，他只能於考評局網站下載試題樣本。
有前輩曾指監獄內不設時鐘，原意是不想令在囚人士感覺到時間流逝，「但做卷計時係好重要，因為佢哋有睇電視時間，咁我就建議佢，例如一個鐘可以睇一套TVB劇，套劇每一節就寫一段，當15分鐘咁計。」
逆權運動至今，已有約3,000名學生被捕，即使家長全力支持還柙學生，「學習方面，家長未必熟悉課程大綱或者點搵past paper，幫到嘅好有限。」
其後再次探訪，他得悉有校長表明不准老師探訪學生，「難聽啲講係同學生割席，我聽到好痛心；其實學校幫到佢哋先係最多，好彩有啲學校係比較支持關心，有老師會主動探訪、帶教科書畀佢。」
他亦呼籲中文科以外的教師可幫忙製作筆記及提供近年試題，「入面手足選修科目包括會計、綜合科學，Phy、Chem、Bio都有，主科都係中英數通；可能老師口述大概講解下，我搵人抄返做筆記送入去。」
即使囚禁牆內，還柙學生意志仍在，「佢哋目標好明確，希望手足盡力之餘亦唔需要畀自己太大壓力，你哋幾個月嚟喺抗爭係完全去付出，我哋一定以你哋為榮。」
■記者黃翠儀
