香港眾志本月初發起聯署，要求法國公司Protecop停止向喺處理反修例運動中，有嚴重警暴問題嘅香港警隊，出口平均每套價值逾萬元，共3,932套嘅「戰術套裝」。結果兩星期唔夠，參與聯署嘅人數已經過咗11萬人，可見港人對警暴幾咁痛恨。
黃之鋒噚日喺facebook透露，由於聯署人數眾多，事件已引起法國當地媒體關注，但亦呼籲大家可以繼續搵多啲人支持呢個聯署，令佢喺聯署後一個月採取跟進行動時「更有牙力」。之鋒話呀，法國政界早喺去年G7𥧌會已就香港問題發聲，當時法國政界強調要保障香港自治狀況，佢質疑一旦法國容許軍火商出口武器裝備畀香港「黑警」，等於係助紂為虐，助長黑警用武力血腥鎮壓香港追求自由及民主嘅聲音，「試問咁點可能達到法國政界話要保障香港自治嘅要求呢？」