回想在拘留所的40多個小時，莊正指沒受過警暴，性格樂觀的他，也沒有哭過，只感到忐忑，「拘留所真係冇嘢可以做，淨係坐喺度，又唔可以玩電話，又唔可以講太多嘢，傾偈都唔可以，有啲嘢係唔應該講，所以大部份時間都係坐喺度，跟住自己諗嘢，諗得最多係同屋企人嘅聯絡，真係想報個平安，40幾個鐘見唔到，佢哋會好擔心我，對唔住屋企，想像到佢哋心情，仲有女朋友，好想見到佢哋。」
原來莊正是庭上獲准保釋候訊，拘留未夠48小時直接上庭，「所以到我上庭嘅時候，第一下見到佢哋，我係笑嘅；返到屋企，佢哋話我上庭喺度笑，我話因為見得返你哋。離開庭嘅時候，見到朋友喺庭外等，自己都幾感動。返到屋企，阿媽買咗碌柚葉畀我，同埋食餐飯先，食返啲好食嘅嘢，喺裏面有食嘢，好簡單嘅飯，飲吓水咁。」