月中喺意大利盃賽後，祖雲達斯嘅42歲老將保方為中國球迷簽名時，笑問對方係唔係嚟自武漢，被內地網民批評辱華。保方近日受訪時講到呢次風波，澄清自己只係想關心吓對方，但外界就被條短片誤導。事關有位中國記者上載咗保方當時替球迷簽名嘅短片上微博，保方向球迷表示：「你係嚟自武漢嗎？」保方表示當時只係想關心吓對方：「只係一個玩笑，下次遇到同樣情況我都會咁樣做。聖西路球場總係有好多中國球迷，嗰晚佢一個人企喺角落，所以我就想關心吓佢。」保方仲提到自己並冇任何冒犯意思：「我用手摸一下佢塊面，我只係想話畀佢知，人喺意大利都可以感到溫暖，唔係人人都咁無情。如果我嘅行為冒犯咗任何人，我喺度道歉。」