鄧月平與郭奕芯等參加ViuTV煮食綜藝節目《辣伙頭》，前晚她憑法式傳統洋葱湯配松露油炒麵包粒成為該集冠軍，鄧月平更感觸得眼濕濕。三位主持評判陶大宇、郭政鴻及楊尚友，以及特別嘉賓盧覓雪，大讚鄧月平的菜式好好食。大宇更向她攞食譜：「我可以帶返去同屋企人分享。」鄧月平對此感到驚喜，笑說：「希望佢返到屋企真係有煮呢個湯啦。」
鄧月平直言因為拍攝時間緊迫，越拍越攰令她大感壓力。她昨透露有些參賽者，更在電視台附近租酒店爭取時間休息：「噚晚嗰集贏咗有啲喊喊哋，係因為努力咗好多集，終於有得攞章，離決賽又邁進一步，係有壓力同有動力，係特別大感觸。同埋我同郭奕芯一齊企出嚟晉身四強，我想佢贏，我自己都想贏，所以攬嗰吓都感觸咗。」
撰文：盧妹