上月中惠龍兒（Duncan）在ig上載香港男籃球衣的相片，並附上一句「等咗好耐」，宣佈自己歸隊。代表港隊四出征戰，對他而言不僅是愛，更是一份責任：「希望幫港隊繼續進步，帶領下一世代衝擊目標。」
記者：許嘉明
攝影：何量鈞
惠龍兒不諱言自小以加入港隊為目標，這位2米06中鋒在今年入選港隊亞洲盃外圍賽大軍名單後，笑言心情依舊如2013年首次代表香港出戰亞錦賽外圍賽般興奮。過去一年，因拉傷左腳阿基里斯腱而缺席港隊的Duncan，指港隊正值換血期，年輕球員令球隊的速度提升，雖然這班小將略欠大賽經驗，但他仍期望領軍爭取佳績，「我細個目標向來都係打港隊，證明我係香港最有實力嘅中鋒。𠵱家去到呢個位置，我有責任幫港隊繼續進步，帶領下一世代衝擊目標。」
續留南華 傷癒再外闖
Duncan在16年CBA選秀意外落榜，但翌年捲土重來，終以探花之位加盟浙江稠州金牛。他直言香港籃壇尚未有職業聯賽，有實力的球員可以嘗試外闖，切忌害怕失敗而偏安一隅：「只要夠膽去試，一定會有收穫。試多啲，唔好怕做錯，最多有錯再改。」Duncan向來律己以嚴，他表示自律為成功的關鍵：「好球員同最好球員嘅分別，好多時係練習以外會點做。我打得最好嗰陣，加操同睇碟都係練習外要做好嘅事。」去年助南華在總決賽全勝封王的他，透露今季仍會繼續留在南華，待阿基里斯腱痊癒再想外闖一事。
Duncan過去10年幾乎把所有心力放在籃球上，但人生不只籃球，他在踏入30歲前亦向女友Nicole求婚成功，準備步入人生另一個階段：「其實老咗，家庭嘅責任一定大啲，始終年輕時可以為夢想拼搏，但年紀大就一定要平衡，同埋為將來打算。」
求婚成功 家庭責任大
在香港土生土長的Duncan直言大多朋友為港人，自己也視這個城巿為家。經過在外地唸書並於中國打球的經歷後，令他對香港有「美食天堂」之名有更深感受：「呢度選擇好多，而且水平好高。香港競爭咁大，餐廳唔好食，好快就執笠啦。」
過往跟Duncan聊天，已知他能講得一口流利廣東話，他笑言自己中文能力不差，聽、說、讀方面也不成問題。不過，被問到可否以中文寫下為港籃打氣的字句時，他卻耍手擰頭說：「唔好喇！我寫得好慢，同埋啲中文字好醜。」想不到在場上無所不能的他也有被考起的一刻。