中聯辦主任駱惠寧昨向港區人大、政協發信，當中有提及謠言製造恐慌，令社會出現搶購物資情況。有政界人士指，將市民對疫情恐慌及不滿歸咎謠言，駱惠寧並非第一人，最先將責任推給謠言及假消息的，其實是特首林鄭月娥。但正如一名商界中人對他說，為何香港這麼多人、當中更有不少是深藍市民，會對駱惠寧、林鄭口中的謠言及假消息深信不疑？「呢個正好反映好多香港人、包括深藍嘅人，都對北京、港府信心破晒產，係呢班人唔肯面對」。
譴責謠言無法解決
該政界中人對季陶說，早前他在一個政界朋友WhatsApp群組中討論搶米搶廁紙事件，有地區人士稱，縱使他們向市民解釋，供應商、政府已表明供應充足，但不少街坊完全不理會，「特別係藍嗰啲，佢哋先最唔信政府，有個黃嘅後生仔義工同呢個地區人士講，佢叫屋企藍嘅阿媽唔好去搶米搶廁紙，點知佢阿媽話政府、林鄭講都好信？」
他指這並非個別例子，「越藍嘅人反而越去搶米搶廁紙、越相信政府所謂嘅謠言」，該政界人士稱，這個現象並非林鄭一句譴責謠言、假消息就可以解決，「林鄭應該問，點解咁多人信謠言、假消息？答案其實好簡單，就係連藍嘅市民由心底入面都唔信政府、唔信林鄭，政府越話係假，佢哋反而越信」。在這個情況下，林鄭政府根本再沒有政治能量，「莫講話領導抗疫，恐怕連叫市民信政府都冇能力，更加唔好講幫建制係立會選舉前挽回民望」。
季陶
周一、三、五刊出