「超人」坐私人飛機運保護衣，梗係唔係個個做到，但八方知有區議員為保搶到嘅口罩可以盡快同安全返香港派畀市民，不惜買機票飛去美國，親自押送口罩返香港。
葵青區議會主席單仲偕早排喺美國訂到幾千個口罩，但𠵱家美國寄香港特快專遞近乎停頓，寄速遞又貴、又怕遲同寄失，所以佢把心一橫，上星期索性買張機票親自飛美國提貨，上周末再親身帶批口罩返香港，保證第一時間派到畀街坊。單雞話其實批口罩數目唔算多，但民主黨都有提供一批口罩、有個善長亦捐咗批畀佢，加加埋埋總數有9,000幾個，希望可以多多少少幫吓街坊！當區居民可以去佢嘅「華麗單仲偕」fb專頁嗰度登記。