在惠康門口揸刀搶劫50條共600卷廁紙，是本年度政治新聞中最發人深省的。
政治日常，柴米油鹽獨冇廁紙，可以想像，智商高過羅致光又點，就算揸車返工，office alone，點都唔可能連續22日唔抿屎，對不對啊，羅局長？
政府部門22日慳住唔使的廁紙省下來，夠幾多市民享用呢張司長？麻煩你數一數，政府儲備廁紙，應該冇二千四萬卷都有千七萬，夠政府用一個月，但萬一忠誠勇毅的黑警向武后特首撒嬌，每人一天要拎一條，押犯收屍用好多格㗎嘛。而四點鐘講慣大話那批，經常穿崩，一褲都係，要夾多兩條廁紙善後。物流署的廁紙牆，話咁快被消失，無可疑。市民猛然記起，黑面叫公僕慳啲使的鄭月娥，當年參選時曾經自爆夜晚去7仔搵廁紙買，結果撲空。冥冥中的「廁紙劫」，命硬如鄭月娥，始終躲不過。民望一直處於零分，市民被墮樓，被浮屍，被爆缸，被濫捕，被恐嚇，鄭月娥通通矢口否認，還去瑞士替黑警護航。廁紙被劫，官逼民反，天眼恢恢，PK鄧亢奮自稱在區議會之所以咁好口才，是向曾志偉學習。好啊，揸咪唱埋後者30年前唱過的「食屎歌」好了，歌詞勁啱開房抗疫扑咪唱K的黑警唱畀武后聽：「路經海邊見有屎渠，盤旋着臭的屎兩堆，亦因他扑咗屎罪，叫佢連隨吔咗啲屎佢……！」唱完記住在特首fb留言：柒卷，thx。