【本報訊】立法會在武漢肺炎爆發後首次舉行會議，由金融服務界議員張華峰質詢有關上市公司的匯報問題，月薪30幾萬的財經事務及庫務局長劉怡翔則魂遊太虛、答非所問，以口罩供應回應，隨即遭其他議員怒轟「發夢」，之後劉才「回魂」稱港交所會酌情協助有困難的公司。
要張華峰重複問題
張華峰在會上問，政府會否叫港交所考慮，將涉及內地公司或在內地有業務的上市公司延遲公佈年報，以免出現不必要恐慌性拋售？原本會上無所事事的劉怡翔被點名要求回應時，先是神色慌張四圍望，再揭開面前文件讀稿：「口罩供應情況其實係物流署方面……」立會主席梁君彥即打斷劉發言，提醒他張的提問是有關上市公司；劉最後要請張華峰重複問題，張罕有激動回應：「我嘅問題已經問咗啦，我叫政府責成交易所將年報延期嘛！」
民主黨立法會議員林卓廷則怒斥劉怡翔「魂遊太虛」，「居然𢭃30幾萬人工喺度發夢？」公民黨郭家麒亦對劉表現「嘆為觀止」：「無論係劉怡翔同其他官員都係攞緊幾十萬人工，繼續喺度發夢、冇幫到香港人，如果呢班官員繼續用呢一種態度，其實香港係岌岌可危。」
劉怡翔在會後被問到為何未有聽到議員問題時，曾拒停步作答，之後又說：「我係處理緊一啲問題，嗰個時候我啱啱睇緊啲口罩嘅問題」；問到會上是否「發緊夢」時則說：「當然唔係啦」，之後就快步離開，未有親口就會上「失魂」問題致歉。
■記者林俊謙、鄧力行