葉麗儀月初在新加坡開演唱會，由於她當時入住的酒店有來自武漢的遊客確診染上武漢肺炎，她返回澳洲後，即和老公自行隔離14日。葉麗儀昨日接受商台《一家大晒》訪問說：「酒店講我哋知發生咗10日，亦清潔得好全面，但我哋喺新加坡唱完歌，會見人影相、握手，為安全起見，當日返到去即刻沖涼。我屋企有小朋友，最好方法係我哋兩公婆自我隔離14日。」
隔離期間，葉麗儀與老公仍有外出打高爾夫球，但不會接觸其他人，她坦言最慘是和孫兒們只能透過視像見面：「我同啲孫住樓上樓下，佢哋8點半就瞓，瞓覺前打開電梯門，我喺廳尾，佢哋喺電梯口傾兩句，有時佢哋整咗啲嘢食會放𨋢口，我拎返屋企食。」
撰文︰祖李