IQ標榜160的羅致光，自爆從年初一開始，22日內一片口罩都冇使，得戚自稱揸車返工，兼夾office alone，間接將慳返來的口罩益市民。
羅致光唔俾機會黑面老細面斥「戴咗都要除落來」，虔誠決志，去罩做人，與老細齊齊抗蒙面，唔使確診，真正的官狀武肺在市民頻撲抗疫的顯微鏡下，就係咁X樣現形。
唔係講反話，羅致光咁慳，武后老細放心，與局長同年紀但唔同IQ的長者也應當高興，六十歲只能夠每三日用一個口罩的清潔外判工，感激到爆肺，萬一在公廁遇到人有三急又冇戴罩的羅公，必定好好招待。
四點鐘那批忠誠勇毅，確證徵用了萬三個N95和六十多萬外科口罩。去黃埔包廂咁啱與黑社會大佬隔住房，豪飲香檳（爆武肺都咁high，有冇病呢？），N95有用武之地咩？羅局長食住上，將慳到的口罩，轉贈PK鄧，叫下屬日日放心押犯、盡情收屍，OK？
羅一片與鄧勇毅鬥吹，一片都冇用vs亞洲最佳，爭寵白熱化。武后月娥，中意衞生巾、抑或condom多啲？觀乎行情，隨時係緊貼老細，甘心做佢肚裏條蟲，去年入市買咗貴樓呻笨（冇300個口罩送）的聶公得米，甚至得埋廁紙。