林欣彤（Mag）昨日到商台宣傳新歌《親愛的巨人》， 透露邀請了爸爸一同拍攝MV：「首歌係講一直支持住我哋嘅人，所以我搵爸爸嚟。今次計埋我哋總共有五對人士參加，導演要求我寫封信畀爸爸，講出心底說話，結果一拍就喊到淚崩。」Mag透露爸爸一口答應拍攝：「佢都好鍾意唱歌，成日出去表演，有豐富演出經驗，希望第時有機會都可以再同爸爸合唱。」