這兩天網上瘋傳新加坡第十二號武肺確診病人是個來自中國的性工作者，發病前曾在三間旅館駐守，有關當局正聯絡應召手冊裏和她有親密接觸的顧客，逐一將他們隔離。哇卡卡卡，恕我儀態全無，一邊讀一邊笑到口水亂噴，不問真假但求過癮。如此明目張膽把快樂建築在別人痛苦上，罪過罪過，但你話不近女色的純種基伯有乜可能唔幸災樂禍呢？這顆投在當地雞蟲界的威猛炸彈，肯定教呢期幫襯過異域佳麗的直男有得震冇得瞓，回想交易時過江鳳令人周身酥軟的嬌嗲口音，的確有幾分似《南方車站的聚會》裏的胡歌、廖凡和桂綸鎂，冷汗直接從額角流到落腳板底，每次手機響起更成個人彈上天花板，隨時收到震耳欲聾的噩耗：「我哋呢度係衛生局打嚟，請問阿陳生（化名），上星期六係咪同一位叫鄭娥（藝名）嘅小姐開過房哩？」顧客中瞞住賢妻搞搞震的住家男，當然比無牽無掛的王老五悲慘，事關禁足令一頒紙包不住火，如何舌粲蓮花也幫佢唔到，老婆大人聞訊喊都無謂，個衰佬自己惹埋晒啲污糟嘢不特已，仲連累屋企所有人，家居隔離十四天逼住朝對口晚見面，不會不日日上演全武行鐵公雞。
哎喲喂，一陣話麻將唔打得，一陣又話邊爐唔打得，整整吓連叫雞都唔安全，咁睇怕唯有閂埋門打飛機最冇事。瘟疫蔓延時如果可以重新認識自己的身體，倒不失為除笨有精的賞心樂事，重拾荒廢了的手部運動，起碼帶來返老還童錯覺，塵封的噴射對象不論是瑪丁嘉露、若尾文子抑或周慧敏，那聲「哈囉，好耐冇見」都充滿溫柔。